"Sabah"ın futbolçusu: "Avrokuboklarda qrup mərhələsinə vəsiqə qazanmaq istəyirik"

"Sabah"ın futbolçusu Xəyal Əliyev "Qarabağ"a qalib gəldikləri Azərbaycan kubokunu final oyunu (3:2) ilə bağlı fikirlərini bölüşüb.

21 yaşlı vinger bu barədə "Report"a açıqlama verib.

O, qarşılaşmanın çətin keçdiyini bildirib:

"Bunu əvvəlcədən bilirdik. Amma yenə də mübarizə apardıq, qələbə qazandıq. Çox sevincliyik. "Sabah" üçün tarix yazdıq. Qalib gələcəyimizə inanırdıq. Final matçına da çox yaxşı hazırlaşmışdıq. Ancaq bu matçı düşünürdük".

X.Əliyev UEFA Avropa Liqasında yaxşı nəticələr qazanmaq istədiklərini söyləyib:

"Avrokuboklar qrup mərhələsinə vəsiqə qazanmaq niyyətindəyik. Bunun üçün var gücümüzlə çalışacağıq".