Azərbaycan millisinin futbolçusu Rusiyada növbəti dəfə turun rəmzi yığmasına düşüb

Azərbaycanın qadın futbolçulardan ibarət millisinin futbolçusu Nigar Mirzəliyeva Rusiya çempionatında növbəti dəfə turun rəmzi yığmasına düşüb.

“QELEBE.AZ” xəbər verir ki, “Zenit”in formasını geyinən müdafiəçi X turun rəmzi komandasına seçilib.

N.Mirzəliyevanın komandası sözügedən turda “Zvezda-2005” ilə qarşılaşıb və 1:0 hesablı qələbə qazanıb. Start heyətində yer alan Azərbaycan millisinin üzvü matçı əvəzlənmədən keçirib.

Qeyd edək ki, N.Mirzəliyevə daha əvvəl VIII turun rəmzi yığmasına da düşmüşdü. Onun komandası hazırda 23 xalla turnir cədvəlinin 3-cü pilləsində qərarlaşıb.