Bundesliqa klubu hücumçusu üçün 100 milyon avro tələb edir

Almaniyanın "Ayntraxt" (Frankfurt) klubu hücumçusu Uqo Ekitike üçün 100 milyon avro tələb edir.

"Report" "Sky Sport"a istinadən xəbər verir ki, 22 yaşlı futbolçu yay transfer dönəmində komandasını dəyişmək niyyətindədir.

Frankfurt təmsilçisinin UEFA Çempionlar Liqasına vəsiqə qazanması belə fransalı oyunçunun fikrini dəyişməyib.

Qeyd edək ki, onun klubu ilə müqaviləsinin müddəti 2029-cu ilin yayınadək qüvvədədir. Ekitike cari mövsüm bütün turnirlərdə keçirdiyi 48 oyunda 22 qol və 12 məhsuldar ötürmə ilə yadda qalıb.