Braziliya millisində 60 ildən sonra ilk yaşanıb

Futbol üzrə Braziliya millisinə 1965-ci ildən sonra ilk dəfə əcnəbi baş məşqçi rəhbərlik edəcək.

"Report" xəbər verir ki, bu gün yığmanın "sükanı arxası"na gətirilən italiyalı Karlo Ançelotti 60 ildən sonra "sambaçılar"ı çalışdıran ilk əcnəbi mütəxəssis olacaq.

Sonuncu dəfə millini əcnəbilərdən argentinalı Filpo Nunes çalışdırıb.

Qeyd edək ki, bu, Ançelottinin də ilk yığma komanda sınağı olacaq. 65 yaşlı baş məşqçi Braziliya seçməsini 2026-cı il dünya çempionatına hazırlayacaq. O, seçmə mərhələdə Ekvador (6 iyun) və Paraqvaya (11 iyun) qarşı keçiriləcək oyunlarda millini meydana çıxaracaq.