Fərid Qayıbov Avropa Voleybol Konfederasiyasının prezidenti ilə görüşüb
https://mail.qelebe.az//uploads/photo/ferid-qayibov-avropa-voleybol-konfederasiyasinin-prezidenti-ile-gorushub.webp
Gənclər və idman naziri Fərid Qayıbov bu gün Avropa Voleybol Konfederasiyasının (CEV) prezidenti Roko Sikiriçi qəbul edib.
"QELEBE.AZ" nazirliyin mətbuat xidmətinə istinadən xəbər verir ki, görüşdə Azərbaycan ilə CEV arasında əməkdaşlıq əlaqələri, voleybolun inkişaf perspektivləri və birgə layihələr müzakirə olunub.
Tərəflər gələcək əməkdaşlığın genişləndirilməsi istiqamətində fikir mübadiləsi aparıblar.
Görüşdə nazirliyin İdman şöbəsinin müdiri Elnur Məmmədov, Azərbaycan Voleybol Federasiyasının baş katibi Faiq Orucov və Avropa Voleybol Konfederasiyasının İdarə Heyətinin üzvü Cəlil Cəfərov da iştirak ediblər.
