Roberto Martines İspaniya yığmasının baş məşqçisi təyin oluna bilər
https://mail.qelebe.az//uploads/photo/roberto-martines-ispaniya-yigmasinin-bash-meshqchisi-teyin-oluna-biler.webp
Futbol üzrə Belçika millisinin sabiq çalışdırıcısı Roberto Martines İspaniya yığmasının baş məşqçisi postuna keçə bilər.
“QELEBE.AZ”un məlumatına görə, 52 yaşlı mütəxəssisin bu vəzifədə Luis Enrikeni əvəzləməsi gözlənilir.
Qətərdə keçirilən dünya çempionatının 1/8 final mərhələsində Mərakeşə oyunsonrası penaltilərlə məğlub olaraq mübarizəni dayandıran ispanlarda Enrikenin istefası müzakirə mövzusudur. Belçika millisinin DÇ-2022-də qrupda qalmasından sonra postunu tərk edən Martineslə İspaniya Futbol Federasiyası arasında ilkin danışıq da aparılıb.
Qeyd edək ki, ispaniyalı Roberto Martines 2016-2022-ci illər aralığında Belçika yığmasına rəhbərlik edib.
