"Barselona" Avropanın top-liqalarında beş avtoqoldan faydalanan iki komandadan biridir

İspaniyanın "Barselona" komandası cari mövsüm Avropanın top-liqalarında beş avtoqoldan faydalanan iki komandadan biridir.

"Report" Beynəlxalq Futbol Tarixi və Statistikaları Federasiyasının rəsmi saytına istinadən xəbər verir ki, komanda buna Almaniyada "Borussiya"ya uduzduqları (1:3) Çempionlar Liqasının 1/4 final mərhələsinin cavab oyununda nail olub.

Dortmund təmsilçisinin heyətində Rami Bensebaini 54-cü dəqiqədə topu öz qapısına vurub.

Kataloniya təmsilçisindən başqa, İtaliyanın "Komo" klubu da cari mövsüm beş avtoqoldan faydalanıb.

Qeyd edək ki, ilk görüşdə rəqibini dörd cavabsız qolla üstələyən "Barselona" yarımfinala vəsiqə qazanıb.