Azərbaycan Basketbol Liqası: Bu gün daha iki görüş keçiriləcək

Azərbaycan Basketbol Liqasında müntəzəm mövsümün sonuncu - XX turunda bu gün daha iki görüş keçiriləcək.

“Report”un məlumatına görə, hər iki görüş A qrupunda baş tutacaq.

“Sərhədçi” Bakı İdman Sarayında NTD ilə üz-üzə gələcək. “Sərhədçi” qrupda beşinci, NTD isə sonuncu - altıncı pillədə qərarlaşıb. Hər iki komandanın 25 xalı var.

“Abşeron” isə Abşeron Olimpiya Kompleksində “Neftçi” ilə qarşılaşacaq. “Neftçi” 29 xalla üçüncüdür. Dördüncü olan “Abşeron”un 27 xalı var.

Hər iki görüş saat 19:00-da başlayacaq.

Qeyd edək ki, XX turun əvvəlki matçlarında "Şəki" "Lənkəran"ı 107:78, “Ordu” “Quba”nı 97:88 hesabı ilə məğlub edib. Tura aprelin 6-da yekun vurulacaq.