Yunanıstanla oyun üçün Azərbaycan Futzal Federasiyasına müraciət edən olmayıb

Avropa çempionatının əsas mərhələsində bu gün Afinada baş tutacaq Yunanıstanla oyunda milliyə dəstək üçün Azərbaycan Futzal Federasiyasına (AFF) müraciət edən olmayıb.

Bu barədə “QELEBE.AZ”a AFF-nin mətbuat katibi Mahal Məmmədov məlumat verib.

Qurum rəsmisi Yunanıstanda futzalın populyar idman növü olmadığını vurğulayıb:

“Federasiyaya oyunla bağlı konkret müraciət edən olmayıb. Burada olduğumuz müddətdə komandanın yanına hansısa azərbaycanlı azarkeş və ya qrup gəlməyib. Bildiyimə görə, futzal Yunanıstanda populyar idman növləri arasında deyil. Daha çox böyük futbola, həmçinin basketbol, həndbol, voleybol kimi idman növlərinə üstünlük verilir. Futzala maraq az olsa da, yunan azarkeşlərin zalı dolduracaqları gözlənilir”.

Qeyd edək ki, Yunanıstan - Azərbaycan matçı bu gün, saat 21:00-da Afinadakı “DAİS Sports Hall”da start götürəcək.