Peşəkar Futbol Liqası “Ayın qolu” layihəsində dekabrın qaliblərini açıqlayıb

Peşəkar Futbol Liqası (PFL) Misli Premyer Liqası, I Liqa və II Liqada həyata keçirdiyi “Ayın qolu” layihəsində dekabrın qaliblərini açıqlayıb.

"QELEBE.AZ" xəbər verir ki, bu barədə PFL-in mətbuat xidməti məlumat yayıb.

Misli Premyer Liqasında Toral Bayramov, I Liqada Bilal İsmayılov, II Liqada isə Vidadi Cəfərovun qolu dekabr ayının ən yaxşısı seçilib.

Qeyd edək ki, qaliblər ötən aydan etibarən qurumun feysbuk səhifəsindəki səsvermə nəticəsində yox, xüsusi seçilmiş 11 nəfərlik münsiflər heyəti tərəfindən müəyyənləşdirilir. Səsvermə nəticəsində bərabərlik olarsa, yekun qərarın verilməsi PFL-in səlahiyyətləri daxilindədir.