Dünyanın aparıcı klublarında çıxış edən futbolçuların yeni bazar qiyməti müəyyənləşib

Dünyanın aparıcı klublarında çıxış edən futbolçuların yeni bazar qiyməti müəyyənləşib.

"QELEBE.AZ" xəbər verir ki, bu barədə "Transfermarkt” onlayn portalı məlumat yayıb.

Siyahının ilk pilləsində dəyişiklik olmayıb. İngiltərə təmsilçisi "Mançester Siti"nin hücumçusu Erlinq Holann 200 milyon avro ilə zirvədəki yerini qoruyub.

Onunla eyni qiymətə malik İspaniyanın "Real" (Madrid) klubunun vingeri Vinisius Junior ikinci sırada qərarlaşıb. Hər iki oyunçunun transfer qiymətlərində dəyişiklik edilməyib.

Digər İspaniya klubu "Barselona"nın hücumameyilli yarımmüdafiəçisi Lamin Yamalın bazar qiyməti isə artaraq 180 milyon avroya çatıb.

Siyahıda ilk "onluq"da yer alan futbolçuların qiymətlərini təqdim edirik:

1. Erlinq Holann (200 milyon)

2. Vinisius Junior (200 milyon)

3. Lamin Yamal (180 milyon)

4. Cud Bellinqem (180 milyon)

5. Kilian Mbappe (160 milyon)

6. Bukayo Saka (150 milyon)

7. Florian Virts (140 milyon)

8. Fil Foden ( 140 milyon)

9. Federiko Valverde (130 milyon)

10. Koul Palmer (130 milyon)