Azərbaycan badminton millisinin Bakıda keçiriləcək Avropa çempionatındakı rəqibləri müəyyənləşib
https://mail.qelebe.az//uploads/photo/azerbaycan-badminton-millisinin-bakida-kechirilecek-avropa-chempionatindaki-reqibleri-mueyyenleshib.webp
Azərbaycan badminton millisinin 2025-ci il fevralın 12-16-sı aralığında Bakıda ilk dəfə keçiriləcək qarışıq komandalar üzrə Avropa çempionatındakı rəqibləri müəyyənləşib.
Bu barədə "Report"a Azərbaycan Badminton Federasiyasından məlumat verilib.
Bakı İdman Sarayında təşkil olunacaq turnirdə 8 komanda mübarizə aparacaq. I qrupda yer alan Azərbaycan millisinin rəqibləri son çempion Danimarka, İspaniya və İngiltərə yığmaları olacaq.
II qrupda Fransa, Almaniya, Çexiya və Niderland komandaları yer alıblar.
Qeyd edək ki, qruplarda ilk 2 yeri tutacaq yığmalar yarımfinala vəsiqə qazanacaqlar.
