"Qarabağ"ın İsveç klubu ilə oyundan öncə mətbuat konfransı və açıq məşqinin vaxtı bəlli olub

UEFA Avropa Liqasının Liqa mərhələsinin VI turunda keçiriləcək “Elfsborq” (İsveç) – “Qarabağ” matçından öncə Ağdam təmsilçisinin baş məşqçisi Qurban Qurbanovun iştirakı ilə keçiriləcək mətbuat konfransı və komandanın açıq məşqinin vaxtı məlum olub.

"Report" "köhlən atlar"ın mətbuat xidmətinə istinadən xəbər verir ki, mətbuat konfransı bu gün, Bakı vaxtı ilə saat 21:40-da baş tutacaq.

Saat 22:00-da isə ilk 15 dəqiqəsi media nümayəndələri üçün açıq olacaq məşq başlayacaq.

Qeyd edək ki, dekabrın 12-də keçiriləcək “Elfsborq” - “Qarabağ” oyunu Bakı vaxtı ilə saat 00:00-da başlayacaq.