"Azərreyl" klubu Avropa Kubokunda iştirak edəcək

"Azərreyl" klubu çimərlik voleybolu üzrə qadınlar və kişilər arasında keçiriləcək Avropa Kubokunda iştirak edəcək.

Azərbaycan Voleybol Federasiyasından "QELEBE.AZ"a verilən məlumata görə, qaydalara əsasən, hər yarış iştirakçısı 2 komanda və minimum 4, maksimum 6 oyunçu ilə təmsil oluna bilər.

Qrup birinciləri birbaşa yarımfinala yüksələcək. İkinci və üçüncü yerin sahibləri isə öz aralarında (A2-B3, A3-B2) daha bir oyun keçirəcəklər.

2023-cü ildə ilk dəfə Türkiyədə keçirilən Avropa Kubokunda ölkəmizi təmsil edən “Murov Az Terminal” klubunun kişi komandası çempion olub.

Qeyd edək ki, oktyabrın 10-dan 13-nə qədər keçiriləcək Avropa Kubokuna Fransanın Monpelye şəhəri ev sahibliyi edəcək.