Azərbaycan klubu ABŞ-dən olan daha bir basketbolçunu heyətinə qatıb

"Lənkəran" klubu heyətini ABŞ-dən olan daha bir basketbolçu ilə gücləndirib.

Bu barədə "QELEBE.AZ"a bölgə təmsilçisinin mətbuat xidmətindən məlumat verilib.

Klub Andre Bolla ilə anlaşıb. 24 yaşlı hücumçu ilə birillik müqavilə imzalanıb. O, daha əvvəl ölkəsində “Cal State Dominguez Hills” və “Pepperdine University”nin şərəfini qoruyub.

Qeyd edək ki, bu “Lənkəran”nın sayca 6-cı amerikalı basketbolçusu olub. Komanda buna qədər Filmon Gebriyhit, Emanuel Littls, Maykl Rocers, Gregorey Milton və Ceremi Berraytı heyətinə qatıb.