Paris-2024: Açılış mərasimindən narazı qalan tamaşaçı bilet pulunun geri qaytarılmasını tələb edib

Paris-2024 Yay Olimpiya Oyunlarının açılış mərasimindən narazı qalan tamaşaçı bilet pulunun geri qaytarılmasını tələb edib.

"Report" "Ouest France"yə istinadən xəbər verir ki, adı açıqlanmayan izləyici heç nə görə bilmədiyini və bu səbəbdən açılış mərasimini izləmək üçün ödədiyi 1600 avronun ona qaytarılmasını istəyib.

"Mən orada heç nə görə bilmədim. Yalnız uzaqdan, qaranlıq yerdə üzən qayıqlara şahidlik etdim. Olduğum yerdən tədbirin bədii hissəsi görünmürdü. Düşünürəm ki, insanları aldadırlar. Mənim bilet üçün ödədiyim pulu geri versinlər", - deyə tamaşaçı bildirib.

Qeyd edək ki, Paris-2024-ün açılış mərasimi iyulun 26-da keçirilib.