"Zirə"nin futbolçusu: Həftə boyunca "Omoniya"nın oyunlarını təhlil etmişik
https://mail.qelebe.az//uploads/photo/zirenin-futbolchusu-hefte-boyunca-omoniyanin-oyunlarini-tehlil-etmishik.webp
Həftə boyunca "Omoniya"nın oyunlarını təhlil etmişik.
"Report" xəbər verir ki, bunu "Zirə"nin futbolçusu Ceyhun Nuriyev UEFA Konfrans Liqasının pley-off mərhələsində "Omoniya"ya (Kipr) qarşı keçirəcəkləri matçla bağlı fikirlərini bölüşərkən deyib.
Oyunöncəsi mətbuat konfransına qatılan yarımmüdafiəçi Kipr təmsilçisinin güclü komanda olduğunu söyləyib:
"Omoniya" güclü komandadır. Həftə boyunca rəqibin oyunlarını təhlil etmişik. İnşallah, sabah hər şey meydanda istədiyimiz kimi gedəcək. Ən yaxşı nəticə ilə vətənə qayıdacağımıza inanıram. Ümumilikdə isə cütün taleyi Bakıda həll olunacaq".
Qeyd edək ki, avqustun 22-də GPS stadionunda keçiriləcək qarşılaşma Bakı vaxtı ilə saat 21:00-da başlayacaq. Cavab görüşü bundan bir həftə sonra gerçəkləşəcək.
