"Zirə" Premyer Liqadakı oyunun təxirə salınması üçün PFL-ə müraciət edib

"Zirə" komandası Azərbaycan Premyer Liqasının III turundakı "Araz-Naxçıvan"la oyunun təxirə salınmasını istəyir.

"Report"un əldə etdiyi məlumata görə, Bakı təmsilçisi artıq bununla bağlı Peşəkar Futbolı Liqasına müraciət edib.

"Qartallar" UEFA Konfrans Liqasının pley-off mərhələsində Kiprin "Omoniya" kollektivi ilə matça yaxşı hazırlaşmaq məqsədi ilə bu addımı atıb.

Naxçıvan klubu razılıq versə, görüş qeyri-müəyyən müddətə təxirə salınacaq.

Qeyd edək ki, "Zirə" - "Araz-Naxçıvan" qarşılaşması avqustun 18-də təşkil olunmalıdır. Azərbaycan komandası "Omoniya" ilə ilk oyununu avqustun 22-də səfərdə keçirəcək. Cavab matçı avqustun 29-da baş tutacaq.