Mahir Məmmədov Parisdə FIDE-nin prezidenti ilə görüşüb
https://mail.qelebe.az//uploads/photo/mahir-memmedov-parisde-fide-nin-prezidenti-ile-gorushub.webp
Azərbaycan Şahmat Federasiyasının (AŞF) prezidenti Mahir Məmmədov FIDE-nin rəhbəri Arkadi Dvorkoviçlə görüşüb.
"Report" AŞF-nin mətbuat xidmətinə istinadən xəbər verir ki, görüş Beynəlxalq Şahmat Federasiyasının (FIDE) yaranmasının 100 illiyi münasibəti ilə Fransanın paytaxtı Parisdə keçirilən təntənəli mərasimdə baş tutub.
Yubiley tədbirinə FIDE rəsmiləri ilə yanaşı dünya şahmatının ulduzları da dəvət olunub. Görüşdə qurumlar arasında əməkdaşlıq məsələlərinin gələcək perspektivləri müzakirə edilib.
Qeyd edək ki, iyulun 20-si Beynəlxalq Şahmat Günüdür. Bu gün, əsası 1924-cü ildə qoyulan Beynəlxalq Şahmat Federasiyasının (FIDE) qərarı ilə 1966-cı ildən etibarən qeyd edilir. Hazırda FIDE-nin himayəsi altında gənclər, kişilər, qadınlar və böyüklər arasında 60-dan çox rəsmi çempionat təşkil edilir.
