"Zirə"nin rəqibi Bakıya nə azarkeş, nə də jurnalist gətirəcək
https://mail.qelebe.az//uploads/photo/zirenin-reqibi-bakiya-ne-azarkesh-ne-de-jurnalist-getirecek.webp
"Zirə" klubunun UEFA Avropa Liqasının I təsnifat mərhələsindəki rəqibi "Şerif" (Moldova) Bakıya nə jurnalist, nə də azarkeş gətirəcək.
Bu barədə "QELEBE.AZ"a "Zirə"nin mətbuat xidmətinin rəhbəri Elmar Abdullazadə məlumat verib.
Moldova təmsilçisi cavab qarşılaşması üçün Azərbaycana iyulun 17-də gələcək.
Qeyd edək ki, "Zirə" və "Şerif" arasında cavab matçı iyulun 18-də, saat 20:00-da "Dalğa Arena"da baş tutacaq. Moldovada gerçəkləşən ilk görüşdə Rəşad Sadıqovun baş məşqçisi olduğu kollektiv 1:0 hesablı qələbə qazanıb.
