Antonio Espinos: "Premyer Liqanın Bakıda yaxşı təşkil olunacağına inanırıq"

"Azərbaycan Milli Karate Federasiyasına (AMKF - red.) və onun prezidenti Yaşar Bəşirova təşəkkür edirəm ki, Premyer Liqa yarışına ev sahibliyi edəcək".

"QELEBE.AZ"un məlumatına görə, bunu Ümumdünya Karate Federasiyasının prezidenti Antonio Espinos deyib.

İspaniyalı mütəxəssis bildirib ki, yarışın Bakıda yüksək səviyyədə təşkil olunacağına zəmanət verilib: "Biz də Premyer Liqanın yaxşı keçəcəyinə inanırıq. İlin 4-cü belə yarışı Bakıda olacaq. İdmançılar 12 kateqoriya üzrə yarışacaq və 34 idmançı medal şansı əldə edəcək".

Qeyd edək ki, Premyer Liqa 2 - 4 sentyabrda Heydər Əliyev İdman-Konsert Kompleksində baş tutacaq.