Ağabala Ramazanov "Səbail"dən ayrılmasına münasibət bildirib
https://mail.qelebe.az//uploads/photo/agabala-ramazanov-sebailden-ayrilmasina-munasibet-bildirib.webp
Ötən gün "Səbail"lə başa çatan müqavilə müddəti yenilənməyən Ağabala Ramazanov klubdan ayrılmasına münasibət bildirib.
"Report"a açıqlama verən 32 yaşlı futbolçu hazırda heç bir klubla danışıq aparmadığını bildirib.
"Səbail"dən ayrılandan sonra hələ ki, yeni xəbər yoxdur. Hansısa klubla danışıqlara başlamamışam. Yəqin ki, yaxın günlərdə karyeramla bağlı açıqlama verəcəyəm və hər kəs biləcək", - deyə hücumçu vurğulayıb.
Qeyd edək ki, A.Ramazanov karyerası ərzində 2 dəfə - 2018-2020 və 2022-2024-cü illərdə “dənizçilər”in formasını geyinib. Ümumilikdə 80 oyuna çıxan kapitan 20 qol vurub, 8 məhsuldar ötürmə edib.
