"Azərreyl" baş məşqçisi ilə müqavilənin müddətini uzadıb

Kişi voleybolçulardan ibarət "Azərreyl" komandasının baş məşqçisi Boris Qrebennikovun müqaviləsinin müddəti uzadılıb.

"Report" xəbər verir ki, bu barədə paytaxt təmsilçisinin mətbuat xidmətindən bildirilib.

Təcrübəli mütəxəssisin sözləşməsi daha 1 illik artırılıb.

Onun qarşısına qoyulan əsas hədəf son Azərbaycan çempionunu uğurlara daşımaq və heyətdə olan gənc voleybolçuların inkişaf etdirilməsi yolunda fəaliyyətini davam etdirməkdir.

Qeyd edək ki, "Azərreyl" başa çatan mövsümdə Azərbaycan Yüksək Liqasının qalibi olub.