"Azərreyl"in baş məşqçisi: "Sonadək mübarizə apardıq və qalib gəldik"

Bu gün sonadək mübarizə apardıq və qalib gəldik.

"Report"un məlumatına görə, bunu kişi voleybolçulardan ibarət "Azərreyl"in baş məşqçisi Boris Qrebennikov "Murov Az Terminal"a 3:2 hesabı ilə qalib gəldikləri Azərbaycan çempionatının final oyunundan sonra deyib.

Mütəxəssis il ərzində “Murov Az Terminal”la bu cür mübarizəli oyunlarının olduğunu xatırladıb: "Hər iki komanda sonadək başa-baş mübarizə apardı. Bir-birimizi də yaxşı tanıyırıq. İkinci setdə 9:5 hesabı ilə irəlidə olarda düşündüm ki, matçda qələbə qazanacağıq".