Avropa Liqası matçından əvvəl azarkeşlər bıçaqlanıb

UEFA Avropa Liqasının 1/8 final mərhələsində keçiriləcək "Roma" - "Brayton" matçından öncə iki azarkeş bıçaqlanıb.

"QELEBE.AZ" "La Gazzetta dello Sport"a istinadən xəbər verir ki, iki britaniyalı azarkeş Romanın mərkəzində bıçaqlı hücuma məruz qalıb və əşyaları oğurlanıb.

Azarkeşlər yaxınlıqdakı restorana yaxınlaşaraq kömək istəyiblər. İngiltərədən olan 28 və 29 yaşlı fanatlar dərhal xəstəxanaya çatdırılıblar. Onların sağlamlıqları üçün təhlükə yoxdur.

İtaliya polisi bildirib ki, hücum edən şəxslər axtarılır. Hadisənin "Roma" azarkeşləri ilə əlaqədar olmadığı vurğulanıb.