DÇ-2022: Çili Futbol Federasiyası FIFA-nın qərarına görə CAS-a şikayət edib
https://mail.qelebe.az//uploads/photo/dch-2022-chili-futbol-federasiyasi-fifa-nin-qerarina-gore-cas-a-shikayet-edib.webp
Çili Futbol Federasiyası FIFA-nın Ekvadov millisinin dünya çempionatında iştirakına icazə verməsi ilə bağlı qərarından İdman Arbitraj Məhkəməsinə (CAS) apellyasiya şikayəti verib.
"Report" CAS-a istinadən xəbər verir ki, müraciət sentyabrın 30-da qeydə alınıb.
Yekun qərar noyabrın 10-dək qəbul olunmalıdır.
Çili daha əvvəl Ekvador yığmasındakı Bayron Kastilyonun kolumbiyalı olduğunu bildirib və onun saxta pasportla oynaması barədə ali futbol qurumuna şikayət edib.
Qeyd edək ki, Ekvadov mundialdan kənarlaşdırılsa, onun əvəzinə Çili komandası yarışda iştirak edəcək. DÇ-2022 noyabrın 20-dən dekabrın 18-dək Qətərdə təşkil olunacaq.
