Konfrans Liqası: "Başakşehir", "Fiorentina" və "Vilyarreal pley-offa çıxıb

UEFA Konfrans Liqasının qrup mərhələsində IV turun oyunlarından yarısı başa çatıb.

"QELEBE.AZ"un məlumatına görə, Türkiyənin turnirdəki təmsilçilərindən "Başakşehir" 1/8 finala yüksəlib. İtaliya "Fiorentina"sı isə ən azı pley-offa vəsiqəni təmin edib. Onlar evdə müvafiq olaraq, Latviyanın RFŞ və Şotlandiyanın "Harts" komandalarını darmadağın ediblər.

"Başakşehir"in ilk qolunu 11-ci dəqiqədə Deniz Türüç vurub. 45-ci və 72-ci dəqiqələrdə isə Stefano Okaka fərqlənib.

C qrupunda İspaniya "Vilyarreal"ı Avstriyada "Austriya" (Vyana) üzərində qələbə qazanaraq, 1/8 finala vəsiqə qazanıb.

E qrupunda Niderlandın "AZ Alkmaar" komandası Kiprdə "Apollon"a uduzaraq, qrupdan çıxmağı növbəti turlara təxirə salıb.

Nəhayət, F qrupunda "Yurqorden" İsveçdə Belçika "Gent"ini üstələyərək, növbəti mərhələyə xeyli yaxınlaşıb.

UEFA Konfrans Liqası

Qrup mərhələsi, III tur

6 oktyabr

A qrupu

20:45. "Başakşehir" (Türkiyə) - RFŞ (Latviya) - 3:0

20:45. "Fiorentina" (İtaliya) - "Harts" (Şotlandiya) - 5:1

Xal durumu: "Başakşehir" - 10, "Fiorentina" - 7, "Harts" - 3, RFŞ - 2

C qrupu

20:45. "Austriya" (Vyana, Avstriya) - "Vilyarreal" (İspaniya) - 0:1

23:00. "Hapoel" (Ber-Şeva, İsrail) - "Lex" (Polşa)

Xal durumu: "Vilyarreal" - 12, "Lex" - 4, "Hapoel" - 2, "Austriya" - 1

D qrupu

20:45. "Partizan" (Serbiya) - "Köln" (Almaniya) - 2:0

23:00. "Nitsa" (Fransa) - "Slovaçko" (Çexiya)

Xal durumu: "Partizan" - 8, "Nitsa" - 5 (3), "Köln" - 4, "Slovaçko" - 1 (3)

E qrupu

20:45. "Apollon" (Limassol, Kipr) - "AZ Alkmaar" (Niderland) - 1:0

23:00. "Vaduts" (Lixtenşteyn) - "Dnepr-1" (Ukrayna)

Xal durumu: "AZ Alkmaar" - 9, "Dnepr-1" - 4 (3), "Apollon" - 4, "Vaduts" - 2 (3)

F qrupu

20:45. "Yurqorden" (İsveç) - "Gent" (Belçika) - 4:2

23:00. "Şemrok Rovers" (İrlandiya) - "Molde" (Norveç)

Xal durumu: "Yurqorden" - 10, "Molde" - 4 (3), "Gent" - 4, "Şemrok Rovers" - 1 (3)

G qrupu

20:45. ÇFR (Rumıniya) - "Slaviya" (Praqa, Çexiya) - 2:0

23:00. "Balkani" (Kosovo) - "Sivasspor" (Türkiyə)

Xal durumu: ÇFR - 7, "Slaviya" - 4, "Balkani" - 4 (3), "Sivasspor" - 4 (3)

H qrupu

20:45. "Slovan" (Bratislava, Slovakiya) - "Bazel" (İsveçrə) - 3:3

23:00. "Jalgiris" (Litva) - "Pünik" (Ermənistan)

Xal durumu: "Bazel" - 7, "Pünik" - 6 (3), "Slovan" - 5, "Jalgiris" - 1 (3)