CAR-ın futbol millisi Afrika Kubokunun bürünc mükafatçısı olub
https://mail.qelebe.az//uploads/photo/car-in-futbol-millisi-afrika-kubokunun-burunc-mukafatchisi-olub.webp
Cənubi Afrika Respublikasının (CAR) futbol millisi Afrika Millətlər Kubokunda üçüncü yer uğrunda qarşılaşmada Konqo Demokratik Respublikasına qalib gəlib.
"QELEBE.AZ"un məlumatına görə, turnir Kot-d İvuarda keçirilir.
Matçın əsas vaxtı 0:0 hesabı ilə başa çatıb. Penaltilər seriyasında isə CAR futbolçuları daha güclü olub - 6:5.
CAR yığması 2000-ci ildən sonra ilk dəfə olaraq üçlükdə olub, həmin vaxt da üçüncü yeri tutub. Komanda 1998-ci ildə ikinci, 1996-cı ildə birinci olub.
Afrika Millətlər Kuboku fevralın 11-də Kot-d İvuar və Nigeriya milli komandaları arasında keçiriləcək final oyunu ilə başa çatacaq. Əvvəlcə yarışın 2023-cü ildə keçirilməsi nəzərdə tutulsa da, hava şəraitinə görə 2024-cü ilə təxirə salınıb. Turnir sonuncu dəfə 2022-ci ildə keçirilib, həmin vaxt Seneqal komandası qalib gəlib.
