Lionel Messi olimpiadada iştirak etmək istəyir
https://mail.qelebe.az//uploads/photo/lionel-messi-olimpiadada-ishtirak-etmek-isteyir.webp
Argentina millisinin futbolçuları Lionel Messi və Anxel Di Maria Paris-2024 Yay Olimpiya Oyunlarında iştirak edə bilərlər.
“Report”un “Dsports”a istinadən məlumatına görə, hər iki oyunçu olimpiadada oynamaq istəyir.
Ancaq bunun üçün Argentinanın olimpiya yığması KONMEBOL zonasında yanvar-fevral aylarında baş tutacaq seçmə mərhələdən olimpiadaya vəsiqə qazanmalıdır. U-23 yığmasına Xavyer Maskerano başçılıq edir.
Olimpiada iyul-avqust aylarında Fransada təşkil ediləcək. Hər komandada 23 yaşdan yuxarı 3 futbolçu çıxış edə bilər.
Qeyd edək ki, həm Lionel Messi, həm Anxel Di Maria, həm də Xavyer Maskerano 2008-ci ildə qazanılan olimpiya çempionluğu zamanı Argentina millisinin heyətində yer alıblar.
