ACF nümayəndələri Macarıstanda keçiriləcək seminarda iştirak edəcəklər
https://mail.qelebe.az//uploads/photo/acf-numayendeleri-macaristanda-kechirilecek-seminarda-ishtirak-edecekler.webp
Azərbaycan Cüdo Federasiyasının (ACF) nümayəndələri Macarıstanın Dyor şəhərində seminarda iştirak edəcəklər.
“Report”un məlumatına görə, seminar Beynəlxalq Cüdo Federasiyasının (IJF) təşkilatçılığı ilə hakimlər və məşqçilər üçün baş tutacaq.
Yanvarın 20-21-də keçiriləcək tədbirdə ACF prezidentinin müşaviri Natiq Bağırov, böyüklərdən ibarət yığmanın baş məşqçisi Riçard Trautman, federasiyanın hakimlər üzrə meneceri Mətin Rəhimli, A kateqoriyalı beynəlxalq dərəcəli hakimlər Nazim Umbayev, Fariz Hüseynov, Akif Tahirov, həmçinin veteran cüdoçu Rüstəm Orucov iştirak edəcəklər.
Ənənəvi olaraq hər il keçirilən seminarda yeni tətbiq edilən qaydalar müzakirə olunacaq. Həmçinin əvvəlki illərdə yaranmış mübahisəli məqamların müzakirəsi nəzərdə tutulub.
