“İdman Filmləri və Milli Televiziya Festivalı” iki ildən bir keçiriləcək
https://mail.qelebe.az//uploads/photo/idman-filmleri-ve-milli-televiziya-festivali-iki-ilden-bir-kechirilecek.webp
“İdman Filmləri və Milli Televiziya Festivalı” iki ildən bir təşkil ediləcək.
"QELEBE.AZ" xəbər verir ki, bunu Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə jurnalistlərə açıqlamasında bildirib.
O, tədbirin ilk dəfə 2022-ci ildə baş tutduğunu xatırladıb: "Bunu MOK-un 30 illik yubileyinə həsr etmişdik. Festival həmin vaxt uğurlu alınmışdı. Bu səbəbdən tədbiri daimi etmək istədik. İki ildən bir keçirilməsinin də səbəbi var. Çünki bir il ərzində materialın toplanması, ərsəyə gəlməsi mümkün deyil. Münsiflər heyəti ancaq yeni işləri qəbul edir. Yanvarın 16-da açılış mərasimi olacaq. "5 Mart - Bədən Tərbiyəsi və İdman Günü" ərəfəsində başa çatacaq".
