Nikaraqua millisinin futbolçusu Azərbaycanda çıxış edə bilər

Nikaraqua millisinin və bu ölkənin “Esteli” klubunun futbolçusu Vidman Talavera Azərbaycanda çıxış edə bilər.

“QELEBE.AZ”un “laprensani.com” saytına istinadən məlumatına görə, 20 yaşlı vinger Premyer Liqanın bir klubundan təklif alıb.

Bildirilir ki, Azərbaycan və Misirin adı açıqlanmayan klubu sol cinah yarımmüdafiəçisi uğrunda mübarizə aparır. "Esteli” rəhbərliyi də ölkənin ən perspektivli gənclərindən sayılan Talaveranı saxlamaqda maraqlıdır.

Qeyd edək ki, 2022-ci ildən Nikaraqua millisinə çağırılan Vidman Talavera 9 oyunda iştirak edib, hesabına 1 qol yazdırıb.