Çövkən üzrə dünya çempionatı: Azərbaycan millisi Türkiyəyə qalib gəlib
https://mail.qelebe.az//uploads/photo/chovken-uzre-dunya-chempionati-azerbaycan-millisi-turkiyeye-qalib-gelib.webp
Azərbaycan Respublikası Atçılıq Federasiyasının (ARAF) təşkilatçılığı ilə Ümummilli Lider Heydər Əliyevin 100 illik yubileyinə həsr olunan çövkən üzrə dünya çempionatına start verilib.
“Report”un məlumatına görə, Binə Atçılıq Mərkəzində təşkil olunan yarışın ilk günündə 3 oyun baş tutub.
Açılış görüşündə Azərbaycan və Türkiyə yığmaları üz-üzə gəliblər. Qarşılaşma millimizin 7:1 hesablı qələbəsi ilə başa çatıb. Günün digər oyunlarında Mərakeş Qazaxıstanı 3:1, Özbəkistan isə Polşanı 4:3 hesabı ilə məğlub ediblər.
Noyabrın 6-da daha 3 matç baş tutacaq. Azərbaycan Qazaxıstanla, Mərakeş Polşa ilə, Özbəkistan isə Türkiyə ilə qarşılaşacaq.
Dünya çempionatına noyabrın 8-də keçiriləcək 3-cü yer uğrunda oyun və final görüşü ilə yekun vurulacaq.
