Azərbaycan cüdoçuları Qoridə təlim-məşq toplanışında iştirak edirlər

Azərbaycanın müxtəlif regionlarından olan 15 yaşadək cüdoçular Gürcüstanın Qori şəhərində təlim-məşq toplanışında iştirak edirlər.

Azərbaycan Cüdo Federasiyasından (ACF) "QELEBE.AZ"a verilən məlumata görə, yerli idmançılarla ilə birlikdə keçirilən hazırlıq prosesinə ölkənin 31 cüdoçusu qatılıb.

Ayın əvvəlində start götürən toplanış oktyabrın 13-dək davam edəcək. Yeniyetmə cüdoçulara ACF-nin regionlarla iş üzrə məsul şəxsləri Musa İsmayılov və Ruslan Yunusov rəhbərlik edir.

Toplanış müvafiq yaş qrupu üzrə region cüdoçularının rəqabət qabiliyyətlərinin artırılması və gələn il baş tutacaq Azərbaycan birinciliyinə hazırlıq məqsədini daşıyır.