Azərbaycanın çimərlik voleybolçuları beynəlxalq turnirdə dördüncü yeri tutublar
https://mail.qelebe.az//uploads/photo/azerbaycanin-chimerlik-voleybolchulari-beynelxalq-turnirde-dorduncu-yeri-tutublar.webp
Azərbaycanın çimərlik voleybolçuları Türkiyənin Mersin şəhərində keçirilən “Bioderma Pro Beach Tour" açıq çempionatında dördüncü yeri tutublar.
“QELEBE.AZ” xəbər verir ki, Vadim Kutukov - Heydər Məmmədli cütlüyü 32 komanda arasında təşkil olunan beynəlxalq turnirdə bu uğura nail olub.
Vüqar Bayramov - Ülvi Rəcəbli tandemi yarışın 1/4 final, Fidan Əhmədxanova - Larisa Smeltsova cütlüyü isə 1/8 finalında mübarizəni dayandırıblar.
Azərbaycanın çimərlik voleybolçuları oktyabrın 3-də Türkiyənin digər şəhəri Balıkesirə yola düşəcəklər. Onlar orada CEV Klublararası Avropa Kubokunda (Beach Volley European Cup) qüvvələrini sınayacaqlar.
