"Napoli"nin baş məşqçisi növbəti dəfə dəyişə bilər

İtaliyanın "Napoli" klubu baş məşqçisi Rudi Qarsiya ilə yollarını ayıra bilər.

"QELEBE.AZ" "RMC Sport"a istinadən xəbər verir ki, ölkə çempionu oktyabrda keçiriləcək milli komandaların oyunlarına qədər nəticələri yaxşılaşdıra bilməsə, mütəxəssis istefaya göndəriləcək.

Onu xorvatiyalı İqor Tudorun əvəzləyə biləcəyi ehtimal olunur. Klub prezidenti Aurelio De Laurentis nəticələrdən razı deyil. O, vəziyyəti dəyişmək üçün Qarsiyaya 4 oyun vaxt verib.

Xatırladaq ki, “Napoli” beş turdan sonra A Seriyasında 8 xalla 7-ci pillədə qərarlaşıb. Komanda ötən mövsüm çempion olduqdan sonra baş məşqçi Luçano Spalletti ilə yollarını ayırmışdı.