İdman direktoru Renat Dadaşovun İsveçrə klubundan ayrıla biləcəyini söyləyib

"Biz Renat Dadaşovla digər variantları nəzərdən keçiririk".

"Report" xəbər verir ki, bunu İsveçrənin “Qrasshopper” klubunun idman direktoru Bernt Haas Azərbaycan millisinin futbolçusunun mümkün transferi ilə bağlı danışarkən deyib.

Funksioner komandanın digər oyunçusu, yaponiyalı Ayumu Seko ilə bağlı isə konkret bir şeyin olmadığını diqqətə çatdırıb.

Qeyd edək ki, Renat Dadaşovun “Qrasshopper”lə müqavilə müddəti 2024-cü ilin yayına qədərdir. O, 2022-ci ilin yayında sözləşmə imzalayıb.