Çempionlar Liqası: Azarkeş ölümünə görə təxirə salınan oyunun vaxtı açıqlanıb

Azərbaycan millisinin futbolçusu Mahir Emrelinin çıxış etdiyi Xorvatiyanın "Dinamo" (Zaqreb) komandasının Yunanıstanda AEK-ə qarşı keçirəcəyi Çempionlar Liqasının III təsnifat mərhələsinin oyununun yeni tarixi açıqlanıb.

"Report" UEFA-nın rəsmi saytına istinadən xəbər verir ki, azarkeş ölümünə görə təxirə salınan qarşılaşma avqustun 18-i və ya 19-da Afinada təşkil olunacaq.

Digər görüş isə əvvəldən planlaşdırıldığı kimi, avqustun 15-də Zaqrebdə oynanılacaq.

Qeyd edək ki, bu günə planlaşdırılan AEK - "Dinamo" oyunundan öncə azarkeşlər arasında kütləvi dava düşüb. Nəticədə Yunanıstan klubunun fanatlarından biri öldürülüb. Bu səbəbdən UEFA qarşılaşmanı təxirə salıb.

Azərbaycan millisinin futbolçusu Mahir Emrelinin komandası “Dinamo”nun (Xorvatiya) Çempionlar Liqasının III təsnifat mərhələsində Yunanıstan klubu AEK ilə ilk oyunu təxirə salınıb.

“Report”un Zaqreb klubunun rəsmi saytına istinadən məlumatına görə, buna səbəb iki komanda azarkeşləri arasında baş vermiş iğtişaşdır.

Yunanıstanda baş vermiş bu hadisə meydan sahiblərinin bir azarkeşinin ölümünə səbəb olub. Nəticədə UEFA qarşılaşmanın bu gün keçirilməməsini qərara alıb.

Həmçinin, komandalar arasında hər iki oyun azarkeşsiz baş tutacaq.