Ərəb Çempionlar Liqası: Ronaldunun qolu “Əl-Nəsr”in “Monastir”ə qalib gəlməsinə yardım edib
https://mail.qelebe.az//uploads/photo/ereb-chempionlar-liqasi-ronaldunun-qolu-el-nesrin-monastire-qalib-gelmesine-yardim-edib.webp
Səudiyyə Ərəbistanının “Əl-Nəsr” klubu 2023-cü il Ərəb Çempionlar Liqasının qrup mərhələsinin ikinci tur matçında Tunisin “Monastir” klubunu məğlub edib.
“Report” xəbər verir ki, Taifdə keçirilən görüş 4:1 hesabı ilə başa çatıb.
42-ci dəqiqədə Anderson Taliska Səudiyyə komandasını hesabda irəli çıxarıb. 66-cı dəqiqədə Əli Əl-Avcəminin avtoqolu sayəsində hesab bərabərləşib. 74-cü dəqiqədə Kriştianu Ronaldu baş zərbəsi ilə hesabı 2-1 “Əl-Nəsr”ın xeyrinə dəyişib. İkinci hissənin sonunda Əbdüləla Əl-Əmri və Əbdüləziz Əl-Əliva fərqləniblər.
