“Qəbələ” Türkiyədə son yoxlama görüşünü keçirəcək

Türkiyənin Bolu şəhərində təlim-məşq toplanışında olan “Qəbələ” bu gün sonuncu yoxlama görüşünü keçirəcək.

“Report”un məlumatına görə, Azərbaycan klubu üçüncü sınağına Şimali Makedoniya təmsilçisi “Qostivar”la matçda çıxacaq.

“Qəbələ”nin məskunlaşdığı “Termal” otelin məşq bazasında baş tutacaq qarşılaşma Bakı vaxtı ilə saat 19:00-da start götürəcək.

“Qostivar” 2022/2023 mövsümündə ikinci dəstədə 2-ci yeri tutaraq, yüksək liqaya vəsiqə qazanıb.

Qeyd edək ki, buna qədər Boluda iki yoxlama oyunu keçirən “Qəbələ” “Sukleya”ya (Moldova) 4:2 hesabı ilə qalib gəlib, “Orenburq”la (Rusiya) 1:1 hesablı heç-heçə edib.