Stiven Cerrard Səudiyyə Ərəbistanı klubunun baş məşqçisi təyin olunub
https://mail.qelebe.az//uploads/photo/stiven-cerrard-seudiyye-erebistani-klubunun-bash-meshqchisi-teyin-olunub.webp
İngiltərə millisinin və "Liverpul"un sabiq futbolçusu Stiven Cerrard Səudiyyə Ərəbistanının "Əl-İttifaq" komandasının baş məşqçisi təyin olunub.
"Report" klubun rəsmi saytına istinadən xəbər verir ki, 42 yaşlı mütəxəssislə rəsmi müqavilə imzalanıb. Sözləşmənin detalları açıqlanmayıb.
İngiltərəli çalışdırıcı məşqçilik karyerasına 2017-ci ildə "Liverpul"un gənclər komandasında başlayıb. 2019-cu ildə Şotlanidya "Reyncers"inin sükanı arxasına keçən Cerrard 3 il sonra "Aston Villa"ya baş məşqçi təyin olunub.
O, 2022-ci ilin oktyabrında uğursuz nəticələrə görə Birmingem təmsilçisindən istefaya göndərilib.
