Buffon karyerasını bitirməyi düşünmür

İtaliyanın "Parma" klubunun qapıçısı Canluici Buffon futbolçu karyerasını bitirməyi düşünmür.

"Report" xəbər verir ki, bu barədə jurnalist Canluka di Marzio bildirib.

Məlumata görə, Buffon gələcək taleyini yaxın vaxtlarda müəyyənləşdirəcək. İndi o, peşəkar karyerasını bitirmək, "Parma"da oynamağa davam etmək və Səudiyyə Ərəbistanına köçmək arasında seçim edir.

Canluici Buffon ötən mövsüm 19 oyuna çıxıb, 24 qol buraxıb və 5 dəfə qapını qoruya bilib.

45 yaşlı Buffon beş dünya çempionatında (1998, 2002, 2006, 2010, 2014) iştirak edib. 2006-cı ildə ən yaxşı qapıçı kimi tanınıb. Əvvəllər isə "Yuventus" və PSJ-də çıxış edib.