Avropa Oyunlarında zədə alan Azərbaycan karateçisinin son durumu açıqlanıb
https://mail.qelebe.az//uploads/photo/avropa-oyunlarinda-zede-alan-azerbaycan-karatechisinin-son-durumu-achiqlanib.webp
Polşada keçirilən III Avropa Oyunlarında zədə alan Azərbaycan karateçisi Fəridə Əliyevanın (+68 kq) vəziyyəti indi stabildir.
Bu barədə "Report"a Azərbaycan nümayəndə heyətinin press-ataşesi Qabil Mehdiyev açıqlama verib.
Onun sözlərinə görə, idmançı bütün tibbi müayinələrdən sonra klinikadan buraxılıb və bu axşam Bakıya qayıdacaq.
Q.Mehdiyev karateçinin ciddi xəsarət almadığını bildirib: "İdmançımızım iki ay əvvəl Avropa çempionatının finalında italiyalı rəqiblə döyüşündə burnu sınıb. Zərbə köhnə zədənin üzərinə dəydiyi üçün qanaxma nəticəsində huşunu itirib. Dərhal xəstəxanaya aparılıb, sistem köçürülüb, ilkin tibbi yardım göstərilib".
