“Fənərbaxça”nın heyətində ciddi itki baş verib.
QELEBE.AZ xəbər verir ki, İstanbul təmsilçisinin aparıcı oyunçularından biri olan Marko Asensio sıradan çıxıb.
İspaniyalı futbolçu Türkiyə çempionatının XXVIII turunda “Beşiktaş”la keçirilən matçın 24-cü dəqiqəsində dizindən zədələnərək meydanı tərk edib.
30 yaşlı hücumameyilli yarımmüdafiəçi ayın 12-də “Kayserispor”la keçiriləcək səfər oyununda iştirak etməyəcək.
Qeyd edək ki, “Fənərbaxça” Marko Asensionu mövsümün əvvəlində PSJ-dən transfer edib. İspaniya millisinin üzvü Super Liqa təmsilçisinin heyətində keçirdiyi 37 rəsmi matçda 13 qol və 14 məhsuldar ötürmə ilə yadda qalıb.