Azərbaycan çempionatlarında medal qazanan məşqçilər: Qurbanov hamını qabaqlayır - SİYAHI
https://mail.qelebe.az//uploads/photo/azerbaycan-chempionatlarinda-medal-qazanan-meshqchiler-qurbanov-hamini-qabaqlayir-siyahi.webp
Azərbaycan çempionatları tarixində medal qazanan bütün baş məşqçilərin siyahısı müəyyənləşib.
“QELEBE.AZ”un araşdırmasına əsasən, hər mövsüm üzrə qızıl, gümüş və bürünc mükafat əldə edən mütəxəssislərin adları sıralanıb.
“Qarabağ”ın hazırkı baş məşqçisi Qurban Qurbanov baş tutan 30 çempionatın az qala yarısında – 14-də fəxri kürsüyə qalxıb. 51 yaşlı mütəxəssis ilk tituluna 2006/2007 mövsümündə “Neftçi”ni çempionatın ikincisi etməklə yiyələnib.
Qurbanov 2008-ci ildən rəhbərlik etdiyi “Qarabağ”a 9 qızıl, 2 gümüş, 2 bürünc medal qazandırıb.
Mükafat sayında ikinci sırada Ağasəlim Miracavadov qərarlaşıb. O, baş məşqçilik dönəmində komandalarına 5 çempionluq qazandırıbsa, 1 dəfə ikinci, 1 dəfə isə üçüncülüklə kifayətlənib.
Mehman Allahverdiyev 6, Kazbek Tuayev isə 5 dəfə ilk “üçlüy”ə düşmək sevinci yaşayıb. Fərq ondadır ki, Tuayev 4 qızıl, 1 gümüş, Allahverdiyev isə 3 qızıl, 1 gümüş, 2 bürünc medala yiyələnib.
Murad Musayev və Laurentsiu Regekampf bu mövsüm müvafiq olaraq “gümüş” və “bürünc”ə sahib olublarsa, hazırda Premyer Liqada çalışan mütəxəssislərdən Şahin Diniyev, Tərlan Əhmədov, Samir Abasov, Ayxan Abbasov və Rəşad Sadıqov da əvvəl mükafatçılar sırasına düşüblər.
| Mövsüm | Çempion | II yer | III yer |
| 1992 | Əhməd Ələsgərov (“Neftçi”) | Sabir Əliyev (“Xəzər Sumqayıt”) | Ruslan Abdullayev (“Turan”) |
| 1993 | Ağasəlim Mircavadov (“Qarabağ”) | Sabir Əliyev (“Xəzər Sumqayıt”) | Ruslan Abdullayev (“Turan”) |
| 1993/94 | Kazbek Tuayev (“Turan”) | Ağasəlim Mircavadov (“Qarabağ”) | Mehman Allahverdiyev (“Kəpəz”) |
| 1994/95 | Mehman Allahverdiyev (“Kəpəz”) | Kazbek Tuayev (“Turan”) | Vaqif Sadıqov (“Neftçi”) |
| 1995/96 | Kazbek Tuayev (“Neftçi”) | Nadir Qasımov (“Xəzri”) | Mehman Allahverdiyev (“Kəpəz”) |
| 1996/97 | Kazbek Tuayev (“Neftçi”) | Elbrus Abbasov (“Qarabağ”) | Rəşid Özbəyov (“Xəzri”) |
| 1997/98 | Mehman Allahverdiyev (“Kəpəz”) | Yaşar Abdulov (“Dinamo”) | Ramiz Kazımov (“Şəmkir”) |
| 1998/99 | Mehman Allahverdiyev (“Kəpəz”) | Asəf Namazov (“Şəmkir”) | Əhməd Ələsgərov (“Neftçi”) |
| 1999/2000 | Ağasəlim Mircavadov (“Şəmkir”) | Mehman Allahverdiyev (“Kəpəz”) | Şamil Heydərov (“Neftçi”) |
| 2000/01 | Ağasəlim Mircavadov (“Şəmkir”) | Oqtay Abdullayev (“Neftçi”) | Qəhrəman Əliyev (“Viləş”) |
| 2001/02 | yarımçıq qalıb | ||
| 2002/03 | keçirilməyib | ||
| 2003/04 | Kazbek Tuayev (“Neftçi”) | Qəhrəman Əliyev (“Şəmkir”) | Şahin Diniyev (“Qarabağ-Azərsun”) |
| 2004/05 | Ağasəlim Mircavadov (“Neftçi”) | Rasim Kara (“Xəzər Lənkəran”) | Yunis Hüseynov (“Karvan”) |
| 2005/06 | Böyükağa Hacıyev (“Bakı”) | Yunis Hüseynov (“Karvan”) | Ağasəlim Mircavadov (“Neftçi”) |
| 2006/07 | Ağasəlim Mircavadov (“Xəzər Lənkəran”) | Qurban Qurbanov (“Neftçi”) | Böyükağa Hacıyev (“Bakı”) |
| 2007/08 | Valentin Xodukin (“İnter”) | Əsgər Abdullayev (“Olimpik”) | Anatoli Demyanenko (“Neftçi”) |
| 2008/09 | Qyoko Haciyevski (“Bakı”) | Valentin Xodukin (“İnter”) | Roman Pokora (“Simurq”) |
| 2009/10 | Kaxaber Sxadadze (“İnter”) | Cüneyt Biçər (“Bakı”) | Qurban Qurbanov (“Qarabağ”) |
| 2010/11 | Arif Əsədov (“Neftçi”) | Mirça Rednik (“Xəzər Lənkəran”) | Qurban Qurbanov (“Qarabağ”) |
| 2011/12 | Böyükağa Hacıyev (“Neftçi”) | Yunis Hüseynov (“Xəzər Lənkəran”) | Kaxaber Sxadadze (“İnter”) |
| 2012/13 | Böyükağa Hacıyev (“Neftçi”) | Qurban Qurbanov (“Qarabağ”) | Kaxaber Sxadadze (“İnter”) |
| 2013/14 | Qurban Qurbanov (“Qarabağ”) | Kaxaber Sxadadze (“İnter”) | Yuri Syomin (“Qəbələ”) |
| 2014/15 | Qurban Qurbanov (“Qarabağ”) | Kaxaber Sxadadze (“İnter”) | Roman Qriqorçuk (“Qəbələ”) |
| 2015/16 | Qurban Qurbanov (“Qarabağ”) | Adil Şükürov (“Zirə”) | Roman Qriqorçuk (“Qəbələ”) |
| 2016/17 | Qurban Qurbanov (“Qarabağ”) | Roman Qriqorçuk (“Qəbələ”) | Zaur Svanadze (“İnter”) |
| 2017/18 | Qurban Qurbanov (“Qarabağ”) | Roman Qriqorçuk (“Qəbələ”) | Tərlan Əhmədov (“Neftçi”) |
| 2018/19 | Qurban Qurbanov (“Qarabağ”) | Roberto Bordin (“Neftçi”) | Aftandil Hacıyev (“Səbail”) |
| 2019/20 | Qurban Qurbanov (“Qarabağ”) | Füzuli Məmmədov (“Neftçi”) | Tərlan Əhmədov (“Keşlə”) |
| 2020/21 | Samir Abasov (“Neftçi”) | Qurban Qurbanov (“Qarabağ”) | Ayxan Abbasov (“Sumqayıt”) |
| 2021/22 | Qurban Qurbanov (“Qarabağ”) | Samir Abasov (“Neftçi”) | Rəşad Sadıqov (“Zirə”) |
| 2022/23 | Qurban Qurbanov (“Qarabağ”) | Murad Musayev (“Sabah”) | Laurentsiu Regekampf (“Neftçi”) |
