Dünya çempionatında zədələnən Azərbaycan cüdoçusu mükafatlandırılıb
https://mail.qelebe.az//uploads/photo/dunya-chempionatinda-zedelenen-azerbaycan-cudochusu-mukafatlandirilib.webp
Bosniya və Herseqovinanın paytaxtı Sarayevoda yeniyetmələr arasında dünya çempionatında zədələnmiş Azərbaycan cüdoçusu Fidan Əlizadənin durumuna aydınlıq gəlib.
Azərbaycan Cüdo Federasiyasından (ACF) "QELEBE.AZ"a verilən məlumatına görə, 63 kq çəki dərəcəsində çıxış edən idmançının durumu ciddi deyil. Cüdoçu bu gün yığma ilə birlikdə Bakıya qayıdacaq.
Milli komandanın heyətində Ukrayna ilə yarımfinal görüşündə ayağından zədələnmiş Əlizadə tatamini xərəkdə tərk edib və xəstəxanaya aparılıb. Təltifetmə mərasiminə də qatıla bilməyən cüdoçuya gümüş medalı ACF-nin vitse-prezidenti, olimpiya çempionu Elnur Məmmədli təqdim edib.
Qeyd edək ki, Azərbaycan yığması finalda Fransaya məhz Fidan Əlizadə zədə üzündən görüşə çıxa bilmədiyi üçün qızıl xal bölümündə uduzaraq gümüş medalla kifayətlənib.
