“Mançester Siti” Pep Qvardiolanın rəhbərliyi altında 1000-ci qolunu vurub

İngiltərənin “Mançester Siti” klubu Pep Qvardiolanın rəhbərliyi altında 1000-ci qolunu vurub.

“Report” xəbər verir ki, bu, Premyer Liqanın XXVIII turunda “Vest Hem”lə keçirilən oyunda baş verib.

Rəqibini 3:0 hesabı ilə məğlub edən “şəhərlilər” ispaniyalı mütəxəssisin təyinatından bəri ümumi qol sayını 1000-ə çatdırıb. Bunun üçün Mançester təmsilçisinə 404 oyun kifayət edib. Qvardiolanın təyin olunduğu 2016-cı ildən bəri “Mançester Siti” “Top-5” liqalarda bu saya çatan yeganə komandadır.

İngiltərə klubları arasında bu göstəriciyə görə ikinci yerdə qərarlaşan “Liverpul”un aktivində 797 qol var.

Qeyd edək ki, “Mançester Siti” sona 5 tur qalmış 79 xalla Premyer Liqada turnir cədvəlinə başçılıq edir.