İtaliya yığmasının Bakıda keçiriləcək Beynəlxalq Minifutbol turniri üçün heyəti açıqlanıb

Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol turnirində iştirak edəcək İtaliya yığmasının heyəti müəyyənləşib.

“QELEBE.AZ”un yerli mətbuata istinadən məlumatına görə, “Skuadra Adzurra” Azərbaycandakı yarışa 13 oyunçu gətirəcək.

İtaliya millisinin heyəti: Marko Vaskello, Matteo Bortolin (hər ikisi “Pordenone”), Donato Massafra (“AltoVisentino”), İzak Lukas Riberio, Luici Martino (hər ikisi “Blinqink Soverato”), Leonardo Di Primio (“Manoppelyo Arabona”), Sabino Sole (“Avelyino”), Andrea Stokko, Jiulio Bizzotto (hər ikisi “Marostisense”), Marsiano Piovesan (“Dozzese”), Lorentso Kanale (“Sant’Aqata”), Bruno Pio Skordino (“Elledi”), Marko Pavanetto (“Gifema Luparense”).

Qeyd edək ki, 1-6 may tarixlərində Bakı Tennis Akademiyasında keçiriləcək xatirə turnirində iştirakçılar mübarizəyə iki qrupda başlayacaqlar. İtaliya yığması A qrupunda Azərbaycan, Çexiya, Serbiya və Gürcüstanla mübarizə aparacaq. B qrupunda isə Ukrayna, Qazaxıstan, Fransa, Türkiyə və Cənubi Afrika seçmələri yer alacaqlar.