"Real Madrid"də baş məşqçi məsələsi ilə bağlı fikir ayrılığı yaranıb
https://mail.qelebe.az//uploads/photo/real-madridde-bash-meshqchi-meselesi-ile-bagli-fikir-ayriligi-yaranib.webp
İspaniyanın "Real Madrid" klubunun rəhbərliyində baş məşqçi məsələsi ilə bağlı fikir ayrılığı yaranıb.
"QELEBE.AZ" "TyC Sports"a istinadən xəbər verir ki, Madrid təmsilçisinin prezidenti Florentino Peres Karlo Ançelotti ilə yollar ayrılacağı təqdirdə, Maurisio Poçettinonu bu posta gətirmək istəyir.
"Kral klubu"nun digər rəsmilərinin əksəriyyəti isə hazırda gənclər komandasında işləyən Raul Qonsalesi həmin vəzifəyə layiq görür.
Son qərarı Peresin verəcəyi vurğulanıb.
Qeyd edək ki, Maurisio Poçettino 2022-ci ilin yayında Fransa PSJ-sindən ayrılıb.
