Avrokuboklar tarixində bir oyunda ən çox qol vuran futbolçuların siyahısı açıqlanıb

Beynəlxalq Futbol Tarixi və Statistikaları Federasiyası (IFFHS) avrokuboklar tarixində bir oyunda ən çox qol vuran futbolçuların adlarını dərc edib.

“Report” qurumun saytına istinadən xəbər verir ki, indiyə qədər 15 futbolçu bir qarşılaşmada 5 dəfə fərqlənərək siyahıya düşüb.

Araşdırma UEFA-nın bayrağı altında keçirilən bütün klub turnirlərinə şamil edilib. Futbolçuların təkcə əsas deyil, təsnifat mərhələlərindəki göstəriciləri də nəzərə alınıb.

Son olaraq İngiltərənin “Mançester Siti” klubunun hücumçusu Erlinq Holann evdə Almaniya “Leyptsiq”inə 7:0 hesabı ilə qalib gəldikləri Çempionlar Liqasının 1/8 final mərhələsinin cavab görüşündə buna nail olub.

Futbolçu	Ölkəsi	Klubu	Tarix	Oyun
Ove Olsson	İsveç	“Göteborq”	23.09.1959	“Linfild” – 6:1
Bent Löfqvist	Danimarka	“B1913”	13.09.1961	“Spora” – 9:2
Joze Altafini	Braziliya, İtaliya	“Milan”	12.09.1962	“Union Lüksemburq” – 8:0
Raymond Kravford	İngiltərə	“İpsviç”	25.09.1962	“Floriana” – 10:0
Nikola Kotkov	Bolqarıstan	“Lokomotiv” (Sofiya)	10.09.1964	“Malmö” – 8:3
Florian Albert	Macarıstan	“Ferentsvaroş”	08.09.1965	“Keflavik” – 9:1
Paul Van Himst	Belçika	“Anderlext”	14.09.1966	“Haka” – 10:1
Gerd Müller	Almaniya	“Bavariya”	24.10.1972	“Omoniya” – 9:0
Klaudio Sulser	İsveçrə	“Qrasshopper”	13.09.1978	“Valletta” – 8:0
Soren Lerbi	Danimarka	“Ayaks”	24.10.1979	“Omoniya” – 10:0
Mixails Mixolaps	Latviya	“Skonto”	21.07.1999	“Jeness” – 8:0
Lionel Messi	Argentina	“Barselona”	07.03.2012	“Bayer” – 7:1
David Lafata	Çexiya	“Sparta”, Praqa	15.07.2014	“Levadiya” – 7:0
Luiz Adriano	Braziliya	“Şaxtyor”, Donetsk	21.10.2014	BATE – 7:0
Erlinq Holann	Norveç	“Mançester Siti”	14.03.2023	“Leyptsiq” – 7:0